Estoi aficionau a la chenealochía dende fa 25 anyos. He realizau cuantos estudios (un d'els lo puez trobar astí, sobre Luceni) y estié presidén d' AragonGen (Asociación de Chenealochía e Istoria d'Aragón) entre cuasi 10 anyos.

Una d'as custions que más se me feba en o mío tiempo de presidén yera la de cuál ye l'apellido más popular n'Aragón u l'apellido aragonés más frecuent.

Pro a respuesta a la primera custión ye simpla: n'Aragón, como en a resta d'Espanya, os apellidos más frecuens son comuns (García, Rodríguez, Pérez...). Podez consultar isto facilmén n'a pachina de l'INE (polida infografía sobre isto en iste PDF)y no me pienso que esté especialment significatiu.

Unatra custión más interesán ye a segunda. D'en primeras abríanos d'identificar cuals son apellidos aragoneses u no, o cual no ye sencillo. Y ye que dende a creación d'o concepto d'apellido, a población s'ha moviu, más entre o zaguero sieglo, amás de poder elechir o mesmo apellido en diferents redoladas.

Manimenos, belún pareixe finitivo. Por exemplo, l'apellido patronimico Garcés, compartiu tamién con os nuestros vecins navarros, pareixe un buen exemplo aragonés. Pero talmén a caracteristica más propia d'os aragoneses ye la d'elexir apellidos toponimicos, sobre tot de puestos cercanos a la suya residencia u puesto de naiximiento.

Ista traza distintiva de l'apellido aragonés, yo l'he teniu siempre como una teoría, manimenos no la heba comprebau, ni por yo ni en beluna lectura. M'en feba ganas de comprebar ista tesi con datos. Por ixo, n'iste estudio intento veyer ista pecularidat.

Unaotro factor de comentar sobre ista pachina ye a luenga utilizada. Ye desarrollada n'aragonés (intento fer-lo con a zaguera grafía aprebada por l'Academia d'a Luenga Aragonesa) con l'animo de tener mayor cantidat de documentacions en a mesma. Tot surte como respuesta a lo curso finalizau d'Aragonés que he feito en Nogará-Religada: eba de fer un treballo fin de curso, y he profitau ta unir aficions (chenealochía, informatica y luenga aragonesa)