Ta poder treballar con los datos de municipios y entidaz, he utilizau cuantas fuens de datos de forma particular, que m'han dau tot o necesario:

• A prencipal fuent de datos ta ixo ha estau n'o libro Catálogo de pueblos y municipios de Aragón. Estadística y nomenclaturas toponímicas entre 1900 y 2004 . Iste catalogo l'he amplau ta datos poblacionals con os Nomenclator que anyalment publica o Gubierno d'Aragón dende 2003.
• Ta lo geoposicionamiento de nuclios y o debuxo de poligonos d'os monecipios autuals, he recorriu a los recursos d'a pachina d' Infraestrutura de Conoixencia Espacial d'Aragón (ICEARAGON) de l'Instituto Cheografico d'Aragón d'o Gubierno d'Aragón. Tamién a la Base de datos de divisions administrativas d'España d'o Registro Central de Cartografía del Ministerio de Transportes y Mobilidad Sostenible. Interesans recursos.
• As coordenadas d'os nuclios desabitaus no ha estau posible trobar-las de forma precisa. Allí he abiu de fiar-me de Google Maps y, en muitos casos, buscar-los en o Nomenclátor Cheografico d'Aragón a traviés de nombres cuasi desaparexius.

• Como quereba obtener de forma precisa de dó yeran esautament os censados, una d'as mayors dificultaz que he trobau ha estau la de saber o nuclio en o cual viviban. En a mayoría d'os casos en o censo apareixe a carrera, pero no o nuclio. Cal precisar que o censo ye d'o municipio pero muitas vezes no se mete de forma concreta a qué nuclio fa referencia. Isto ye especialment notorio en os nuclios d'a Solana, apareixendo, por exemplo, un censado en Burgasé en a Carrera Santiago, sin fer referencia a qué entidat se refiere ixa carrera, ya que a Burgasé pertenexen cuasi a totalidat d'os 15 nuclios d'a Solana (menos Tricás).

  En istos casos, he optau por investigar (por exemplo, si a carrera ye igual a lo nombre d'a ilesia, pareixe lochico asignar-lo a ixe nuclio), consultar a expiertos (sobre tot a Chusé María Satué Sanromán ta Sobrepuerto y a Cristian Laglera Bailo ta la Solana) anque con respuestas poco proveitosas, u mesmo a asignar a la capital de monecipio os que no he puesto trobar.