Ta poder veyer a distribución d'os apellius, caleba mugar os datos tanto en o tiempo como n'o espacio. No pretendo que l'estudio contrimuestre cosa, sino tan solo que amane ista distribución.

Por ixo, m'he centrau nomás en o censo de 1934. Podeba haber pillau atros, pero m'ha pareixiu interesant ya que ye o primer completo con ombres y mullers (con o suyo dreito a voto en a II Republica) mayors de 21 anyos. Iso da un numero de población alto sin peculiaridaz por razón de chenero. Amás, podemos considerar que n'iste anyo agún no s'en eban produciu as grans migracions d'os anyos 50 y 60, y que por tanto os apellidos yeran en o suyo puesto de procedencia (tot isto ye muit matizable...)

Por lo que fa a los puestos d'estudio, caleba circuniscribir-me ta una redolada concreta, dado que yera imposible d'abarcar tot o territorio aragonés. Asinas en prencipio, me plantié fer-lo d'a mía redolada de residencia, Ligüerre de Ara y Fiscal, anque luego l'amplé a os lugars circandans. A la fin, cubrí tota a redolada qu'aboca auguas a lo río Ara, asinas podeba incluyir lugars ya desabitaus como os d'a Solana u Sobrepuerto. No se trata d'una redolada que se presén como comarca u unida por atros lazos, pero sí tiene de común o río.

Realment, no ye unatra cosa qu'una parte d'a comarca de Sobrarbe, que sí podemos considerar una entidat (dica mitico reino...). En cualsiquier caso, a localización yera en él mesma interesant en tratar-se d'un conchunto de entidaz pirenencos que in ixe momento manteneban bel isolamiento (en bel caso, completo) y que podría presentar-nos os apellius en a suya redolada.