Como ya he comentau en a pachina de Metodolochía, os datos d'os abitadors d'a redolada los he quitau vulcando os censos de 1934 a partir d'o PDF publicau en Documentos y Ficheros de Aragón (DARA) d'o Sistema de Información del Patrimonio Cultural Aragonés del Gubierno d'Aragón.

En dita pachina son publicaus en formato PDF beluns d'os censos disponibles en os Archivos Históricos Provinciales de Aragón.

O primer treballo ha estau transcribir os datos a formato electronico (primeramén en fuella de calculo Excel) componendo un sistema de tablas de base de datos (puyadas a lo servidor MariaDB). Ye un treballo tedioso pero necesario, que ya ebanos usau n'o vulcau de censos de la Asociación Cultural de Genealogía e Historia de Aragón, ARAGONGEN.

En a imachen se puede veyer a portalada d'o libro de censos de Uesca de 1934 de conchunta con una pachina d'o censo de Burgasé.

O total d'o vulcau de datos ha resultau de 4.679 abitadors, ombres y mullers en tratar-se d'o primer censo en Espanya que las incluyiba.

Os municipios historicos (en l'anyo 1934 d'os censos) que comprende son:

Istos municipios se corresponden con os autuals siguients:

Cal puntualizar que toz os municipios corresponden a la redolada del Sobrarbe, fueras de Biescas y Yebra de Basa que están d'o Alto Galligo. A razón ye la de tratar de incluyir bel nuclio de Sobrepuerto que pertenexe a ixos monecipios. Ye caso, por exemplo, de Cortillas u Ainielle.

En o caso concreto d'Ainielle y Bergusa, no he puesto trobar os censos por trobar-se en un segundo tomo no dichitalizau. Ambos pertenexeban a lo municipio historico de Barbenuta, actual de Biescas. Si se puede, más abance quedarán incluyius ta finalizar a redolada historica de Sobrepuerto.

Como s'aprecia bella cosa en a imachen, os censos incluyen información de cada persona con indicación d'apellius, nombre, sexo, edat, domicilio, profesión y alfabetización. En o domicilio ye dó deciba dinantes o problema de trobar o nuclio a lo que pertenexeba.