Como deciba en la metodolochía, la redolada do se desembolica o proyeuto no ye una comarca asinas definida, sino más bien una zona cheografica que aboca auguas n'o río Ara.

Por tanto, asti s'incluyen toz os municipios y entidaz comprendius entre a naisencia de l'Ara (por Bujaruelo), dica que chunta as suyas auguas con o Cinca en L'Ainsa.

En o mapa podemos veyer os municipios autuals qu'abarca (distintos d'os cuals apareixen en os Censos de 1934 que s'estudian) y toz os nuclios:

Toda a redolada a estudio ye mui degradada en población. D'os 80 nuclios que s'incluyen, más u menos a metat son despoblaus (el 48,75%, 39 de 80), y agún os abitaus tienen una poblanza mui escasa. Tan solo d'a redolada se salvarían L'Ainsa y Boltaña, como nuclios que concentran tot o creximiento.

En las pachinas d'iste puesto podez trobar datos sobre os nuclios y municipios d'a redolada, tanto poblacional como d'os apellidos d'as suyas chents.

En total, a redolada conta actualmén con una poblanza d'unos 4.356 abitadors. En 1940 (más u menos a fecha d'os censos a estudio) teneba 7.695, cuasi o dople. O estudio se basa en un numero de censados en 1934 de 4.679 (mayors de 21 anyos).