Iste estudio pretende buscar cuáls yeran os apellius más frecuents en a redolada y a caracteristica peculiar que podesen tener. Ta ista fin, calía contar con una clasificación d'apellius que permitise catalogar os que surtisen d'os censos.
A clasificación d'apellidos que he proponiu, se basa en o escelén treballo de Manuel Trujillo Berges sobre Esquema de apellidos en Aragón que ye publicau en o puesto d'Aragongen. En él, Manuel propone cuantos tipos d'apellidos, a saber-los:
- Patronimicos, ye decir, que provienen de nombres propios u os mismos (Fernández, Martínez, Felipe...)
- Toponimicos, derivaus d'o nombre d'un puesto (Zaragoza, Ríos, Escartín...). Istos se gosan subdividir en mayors (nombre d'una ciutat, lugar, río...) y menors (referíu a elements cheograficos como Murillo, Montaña, Cosculluela...)
- Gentilicicos, provenients d'un orichen cheografico y etnico (Francés, Soriano, Catalán...)
- Teonimicos, que derivan d'una divinidat, santidat u concepto relichiosos (Santamaría, Sanjuan, Dios...)
- Relacionaus con a relichión (Buenafuente, Sanclemente...)
- De profesión u oficio (Herrero, Pastor, Carretero...)
- D'animals u plantas (Cordero, Pimienta, Fresno...)
- Caracteristicas fisicas u morals d'una persona (Feo, Moreno, Calvo, Rubio, Guerrero...)
- Atros varios, como caxón de sastre do incluyir os no clasificaus.
Una vez establida a clasificación a emplegar, abié de realizar, a partir d'a lista completa d'apellius quitada d'os censos, una relación con o tipo d'apellido. Isto lo podez veyer en a imachen y escargar-los d'iste enlaz.
En a tabla s'ha indicau cada apellido, indicando o tipo (dentro d'os comentaus). En o caso d'os toponimicos, s'estableix en mayors y menors (como s'ha indicau), siñalando si o puesto ye prosimo u no a la redolada d'estudio.
Ista tabla tiene como finalidat o establecimiento d'os tipos d'apellidos d'a zona, y asinas comprebar ixa tesi que plantiaba: l'apellido aragonés ye toponimico de la redolada.